Goud en valsblomme

Goud en valsblomme Gabiba Stellleboom (74) woon in die mees karaktervolle huisie in die Bo-Kaap. Waar die ander huisies om haar soos smartiebokse lyk, is hare effe meer verweer, maar dit lyk eerder soos ’n verftegniek wat die elemente soos tyd en die weer mee “geverf” het. So drie maande gelede stap ek twee toeriste, Cory Wille en Marie Glorieux, verby haar huisie waar sy op die stoep sit in huil. Sy was bang en alleen. Haar broer wat sy hele lewe saam haar hier gewoon het, is dood. Die gemeenskap sien om na haar, maar sy is bang vir die aande wat so donker en alleen raak. Deesdae het Bo-Kaap mos ook sy skollies wat te maklik vir kwaadgeld rondloop. Cory en Marie besluit om vir haar ’n selfoon te koop. Ons vaar in Strandstraat se winkels in en hulle koop ’n selfoon en laai airtime op. Ek sit my nommer in op speed dial en begin haar wys hoeveel keer sy ’n knoppie moet druk tot sy die groen knoppie kan druk. Daardie aand kry ek ’n paar oproepe van Gabiba, terwyl sy so selfvoldaan lag as ek aan die anderkant praat. “See I got it right. When are you coming to visit again.” Die eensaamheid pak my ook soms so beet, al het ek baie mense om my. Dan dink ek aan Gabiba. Ek sien die donker aande wat sy soms omwens, ook die pyn wat soms in haar bene intrek. Dan gaan kuier ek by die vrou in haar negosiehuisie met al die ornamente wat haar oorlede broer versamel het. As jy vir die goud en en die valsblomme kyk, voel jy beter. Gister kom ek daar en die Rajab help haar vrywillig aan die agterkant van haar fraai agtertuintjie. Hy het dit natgespuit en ligte in die sjinese lanterns geinstalleer. Rajab doen dit uit die liefde van sy hart. Hierdie keer het ek my kamera saamgevat en besluit dis tyd om nog meer van haar storie te hoor. Sy vertel my sy is die enigste oorlewende van 10 kinders. En dat haar oudste sussie wat op 90 dood is ook in dieselfde huis gebore is. Nou is sy die enigste een. Die neigbourhood ek darem na haar. Sy vertel my van die opstand van die plaaslike inwoners in Wale-straat teen al die foreigners wat die huisies wil koop. Haar droë lippe lyk seer. Dis nou Ramadan en sy drink nie genoeg vloeistoef nie. “See how cracked my lips are, it’s because of the fasting. I get up at five you see. And I pray 5 times a day.” Na ‘n rukkie sê sy: “you must go now. I must be ready at 5 for another prayer. “When you come again, don’t forget to bring me a wholenut chocolate”. I like “wholenut”. Gabiba hou van “wholenut” nes my ma. Hoe sou ek dit ooit weet, as ek veilig in my huisie in die reën gebly het?#visitstrangers #mizanitours #theelderly #bokaap #travel